Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 332 Hüküm no: 814 Orijinal metin no: [86a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. İstefan’ın Hüssam Bey Vakfı’na olan borcunu, Yani b. Yorgi’nin vakıf mütevellisi Eynehan b. Osman’a verdiği Vech-i tahrîr-i sicil budur ki Karye-i Kadı’dan Yorgi b. İstefan’ın merhûm Hüsam Bey vakfına bin akçe deyni olup hâl-i hayâtında iken Yani b. Yorgi’ye versin sana ve bostan akçesinden ver deyip hâliyâ mezbûr Yani evkāf-ı mezbûrun mütevellîsi olan Eynehan b. Osman’a teslîm edip mezbûr Eynehan dahi bi’l-muvâcehe meblağ-ı mezbûru aldım, kabûl ve kabz ettim, deyû ikrâr vicâhen tasdîk edip bi’t-taleb vaka‘a’t-tahrîr fî evâsıtı Recebi’l-mürecceb sene 957. Şuhûdü’l-hâl: Mevlânâ İsâ Halîfe b. Fazlullah, Süleyman b. Davud ve kâtibü’l-hurûf Beşir b. Hüsam, Ahmed Çelebi b. Hasan, Durmuş b. Dündar ve gayruhüm