Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 333 Hüküm no: 818 Orijinal metin no: [86b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kireççi Yani’nin terekesi zannedilen bağın, karısı Zoyi’ye babasından intikal ettiği Vech-i tahrîr-i sicil budur ki Kara Yusuf’un İstavros nâm karye sınırında vâki‘ olan bağı kurbunda vâki‘ olan bir kıt‘a bağ Kireççi Yani muhallefâtından zan olundukda hâtunu olan Zoyi babamdan bana irs-i şer‘le intikāl eylemişdir, dedikde Yahya b. İbrahim ve Abraham b. Şaban vech-i meşrûh üzere şehâdet eyledikleri mezbûr bağının hudûdu ınde’l-ahâlî ma‘lûm olan mezbûre Zoyi’ye tasarruf eyle denildikde, mâ-hüve’l-vâki‘ taleb ile sicil olundu. Tahrîren fî evâhiri Muharrem sene 957. Şuhûdü’l-hâl: Ali Bâli b. Karagöz, Hüseyin Çelebi b. Sinan ve Berber Hasan b. Musa ve Mustafa b. Mehmed