Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 343 Hüküm no: 838 Orijinal metin no: [88b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yetin Hırisori’ye Todora bt. Yani’nin vasiye, Papa Yorgi’nin nâzır tayin edildikleri Vech-i tahrîr-i hurûf oldur ki Mezbûr müteveffânın eytâmı Hırisori nâm yetîmine vasî lâzım olup kıbel-i şer‘den Todora bt. Yani nâm zimmî vasiyye nasb olunup yetîmi mezbûrun metrûkâtın zabt ve hıfz eyleye ve mezbûre vasıyye üzerine Papa Yorgi b. Plakide nâzır ta‘yîn olunup telef etmeye deyû bilece görüp gözede, kimesne mâni‘ ve müzâhim ve müşâhim olmaya deyû mezbûre Todora vesâyeti kabûl edip ve mezbûr Papa Yorgi dahi nezâreti kabûl edip mâ-hüve’l-vâki‘ talebleriyle bi’t-taleb kayd-ı sicil olundu vaka‘a’t-tahrîr fî evâsıtı Zilka‘de sene 957. Şuhûdü’l-hâl: Mustafa b. Mehmed, Ali b. Hacı Fakīh, Papa Aleksi b. Tıranoz, Dimitri b. Tıranoz, Todora b. Yani ve gayruhüm