Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 350 Hüküm no: 849 Orijinal metin no: [90a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Manol b. Plakide, Manol b. Nikola ve Yani b. Kosta’nın Süleyman Bey b. Abdullah ve Kaya ile olan davalarından vazgeçtikleri Vech-i tahrîr-i sicil budur ki Karye-i Maltepe’den Manol b. Plakide ve diğer Manol b. Nikola ve Yani b. Kosta nâm zimmîler meclis-i şer‘a hâzırûn olduklarında takrîr-i kelâm kılıp eyitdiler ki işbu müşârün-ileyh Süleyman Bey b. Abdullah bir yoldaşı Kaya nâm kimesne ile bostanda bizi mecrûh edip çalmalarımız aldılar, yoldaşı gaybet etti, taleb ettikde an-inkâr mehlem [merhem] bahâ bize yüz altmış akçe verip cümle da‘vâdan ferâgat ettik, eğer işbu Süleyman’dan ve yoldaşı Kaya’dan da‘vâmız yoktur ve illâ ınde’l-hukkâm mesmû‘ olmasın deyû ikrâr ettiklerinde Süleyman Bey dahi ikrâr, bizim de mezkûrûn zimmîlerde da‘vâmız yoktur, vechen mine’l-vücûh ve illâ ınde’l-hukkâm mesmû‘ olmaya deyû ikrârları ve tesâdukları inde’ş-şer‘i’ş- şerîf şer‘an mu‘teber görülüp sıhhat-i ibrâ ve sulh mukarrer olup tarafeynden sâdır olan ikrâra hükm olundu ki bi’t-taleb kayd-ı sicil olundu. Vaka‘a’t-tahrîr fî evâhiri Cemâziyelevvel sene 957. Şuhûdü’l-hâl: Ali b. Hacı Fakīh, Kara Yusuf b. Abdullah, Mehmed b. Abdullah İstanbulî, Süleyman b. Abdullah er-râcil, Yusuf b. Abdullah er-râcil ve gayruhüm