Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 78 Hüküm no: 12 Orijinal metin no: [1b-7] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Hüdaverdi’nin karısı Kamer bt. Abdullah’tan mehirsiz ve nafakasız boşandığı (muhâla‘a) Vech-i tahrîr-i hurûf oldur ki Nefs-i Üsküdar’dan Toygar mahallesinden Hasan b. Hudâverdi meclis-i şer‘de zevcesi olan Kamer bt. Abdullah nâm hâtun mahzarında bi-tav‘ihî ikrâr edip dedi ki, mezbûre Kamer benden mehr-i mü’eccelinden ve nafaka-i iddetinden ferâgat etmek üzerine benden hul‘ taleb eylediği ecilden ben dahi mezbûreye vech-i meşrûh üzere hul‘ edip mezbûre dahi kabûl etdi dedikde, mezbûre Kamer dahi mezbûr Hasan’ın kavlini vech-i meşrûh üzere bi-tav‘ihâ vicâhen tasdîk edip sıhhat-ı hul‘a hükm olunup mâ-hüve’l-vâkı‘ gıbbe’t-taleb kayd-ı sicil olundu. Tahrîren fî evâili Zilhicceti’ş-şerîfe min şuhûr sene 970. Şuhûdü’l-hâl: Hayreddin b. Ahmed ve Ahmed b. Pîrdede ve Mustafa b. Mehmed ve Nasuh b. Hamza ve gayruhum mine’l-hâzırîn