Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 80 Hüküm no: 17 Orijinal metin no: [2a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar çingenelerinin muhtelif vergilerinin toplanmasına Mustafa b. Kevserci’nin vekil tayin edildiği Vech-i tahrîr-i hurûf oldur ki Rumeli çingenesinin harâcına ve cürm ü cinâyetine ve resm-i arûsânesine olageldiği üzere subaşı olan Behram Bey nâm kimesnenin subaşısı olan Hasan b. Ali meclis-i şer‘a gelip bi-tav‘ihî ikrâr ve i‘tirâf edip dedi ki, işbu Mustafa b. Kevserci nâm kimesneyi Mahmiye-i Üsküdar’da vâkı‘ olan çingenelerin ispençe ve harâcını ve sâir bâd-ı hevâsın olageldiği üzere zabt etmek için vekîl nasb ettim deyip mezbûr Mustafa dahi kabûl ettim dediği mâ hüve’l-vâkı‘ gıbbe’t-taleb kayd-ı sicil olundu. Tahrîren fî 3 Zilhicce sene 970. Şuhûdü’l-hâl: Alagöz Bey ve İsa Fakih b. Fazlullah ve Mustafa b. Mehmed ve gayruhum