Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 86 Hüküm no: 33 Orijinal metin no: [3b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri v. Yani’nin, Furuşne bt. Torbacı’yı dövmesi Vech-i tahrîr-i hurûf oldur ki Karye-i Tuzla’dan Şaban b. Abdullah avreti Furuşne bt. Torbacı cânibinden meclis-i şer‘de Dimitri v. Yani nâm zimmî muvâhecesinde da‘vâ kılıp dedi ki, mezbûr Dimitri benim mezbûre avretimi darb eyledi avretim tarafından taleb ederim dedikde, mezbûr Dimitri’ye suâl olundukda inkâr edip mezbûr Şaban’dan da‘vâsına mutâbık beyyine taleb olundukda beyyineden âciz olup hasmının yemîn taleb eyledikde mezbûr Dimitri’ye yemîn teklîf olunup yemîn billâh edip dedi ki, ben mezbûre avreti vurmadım deyip mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâili Zilhicce sene 970. Şuhûdü’l-hâl: Mevlânâ Abdi Çelebi b. Lütfi ve Beşir Halîfe b. Hüsam ve Hayreddin b. Ahmed ve Mustafa b. Mehmed ve gayruhum