|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 96 Hüküm no: 60 Orijinal metin no: [5b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mehmed Çelebi’nin Kurdköyü’ndeki çiftliğini Ahmed b. Kasım’a mukataaya verdiği
Vech-i tahrîr-i hurûf oldur ki Rumeli Kal‘ası mustahfızlarından Hüseyin b. Ramazan sâbıkan reîsü’l-küttâb olan fahrü’l-emâcid ve’l-ekârim Mehmed Çelebi’nin cânib-i şerîflerinden Ahmed b. Kasım mahzarında bi-tav‘ihî ikrâr-ı sahîh edip dedi ki, müşârunileyh Mehmed Çelebi’nin Kurdköyü nâm karyede tasarrufunda olan bir çiftlik yerinin cemî‘-i mahsûlün yılda yüz akçeye mukāta‘aya verdim mûmâileyh dahi kabûl eyledi dedikde, mezbûr Ahmed dahi mukırr-ı mezbûrun i‘tirâfını tasdîk edip mâ hüve’l-vâkı‘ ketb olundu gıbbe’t-taleb kayd-ı sicil olundu. Tahrîren fî evâsıtı Zilhicce sene 970.
Şuhûdü’l-hâl: Hüsrev Bey b. Abdullah ve Ramazan Bey b. Abdullah
|