Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 99 Hüküm no: 69 Orijinal metin no: [6a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hesna bt. Abdullah’ın ölen kocasındaki alacak, hisse ve mehrini Üsküdar emini Alagöz Bey b. Abdullah’tan istemesi Vech-i tahrîr-i sicil oldur ki Hesnâ bt. Abdullah Üsküdar emîni olan Alagöz Bey b. Abdullah nâm kimesne ile meclis-i şer‘a hâzır olup takrîr-i da‘vâ kılıp eyitdi ki İskender b. Abdullah nâm zevcem fevt olup üzerinde on iki altın karz verdim ölüp üzerinde kaldı vekâletimden dahi üç yüz akçe hakkım vardır taleb ederim dedikde, udûl-i müslimînden Hamdi Çelebi b. Mustafa ve Ahmed Çelebi b. Mustafa nâm kimesneler şehâdet edip dediler ki merhûm fevt olan İskender üzerinde on iki filori karzdan ve üç yüz akçe mehrinden merhûm İskender fevt olup üzerinde kaldı deyu şehâdet ettikleri ecilden mezbûr Alagöz Subaşı dahi bi’l-mukābile şehâdetleri kabûl edip mezkûr Hesnâ talebiyle sebt -i sicil olundu. Tahrîren fî evâsıtı Zilhicce sene 970. Şuhûdü’l-hâl: Mustafa Kaymagî, Muhzır İsa, Behram b. Abdullah, Şücâ‘ Halîfe Noktacı