Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 101 Hüküm no: 76 Orijinal metin no: [6b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sultan bt. İskender’in evini Behram b. Abdullah Bey’e sattığı Vech-i tahrîr-i sicil oldur ki Sultan mahallesinde sâkine olan Sultan bt. İskender nâm kimesne kıbelinden Sinan Halîfe b. Mahmud ve Mesih b. Abdullah şehâdetleri ile sâbit olan Ayşe bt. İshak nâm hâtun meclis-i şer‘-i şerîfe hâzır olup ikrâr ve i‘tirâf kılıp eyitdi ki, kızım Sultan’ın mahalle-i mezbûrda iki karşılı evi ki bir tarafı İsa b. Ali mülküne ve üç cânibi tarîk-ı âmla mahdûd olan mülk menzilini mahrûse-i Konstantiniyye’den Ali Bey b. Mehmed Paşa Evkāfı’na mütevellî olan Behram b. Abdullah Bey üç bin râyicü’l-vakt akçeye bey‘-i bât ile bey‘ edip semen-i ma‘dûd Mütevellî Behram yedinden bî-kusûr velâ küsûr alıp kabûl ve kabz edip teslîm-i mebî‘ eyleyip beni dahi hüccet vermeğe vekîl eylediği ecilden Behram Mütevellî talebiyle sebt olundu. Tahrîren fî 20 Zilhicce sene 970. Şuhûdü’l-hâl: Alagöz Subaşı [b.] Abdullah, Musa b. İsa an karye-i İstavros, Muhzır Nasuh ve gayruhum