Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 103 Hüküm no: 81 Orijinal metin no: [7a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fahrünnisa bt. Ayas’ın evini Ramazan Bey b. Abdullah’a sattığı Vech-i tahrîr-i hurûf oldur ki Nefs-i Üsküdar’da Hacı Mehmed mahallesinden Ramazan Bey b. Abdullah meclis-i şer‘de kayın anası Fahrünnisâ bt. Ayas mahzarında da‘vâ kılıp dedi ki, merkūme hâtun mahalle-i mezbûrede vâkı‘ olan bir çatma eviyle yerini ki hudûdu bir cânibi tarîk-ı âmma ve bir cânibi Himmet Bey mülküne ve bir cânibi Debbağ Mustafa mülküne ve bir cânibi Mustafa b. Ayas mülküne muttasıldır işbu hudûd ile mahdûd olan mülkünü bana yüz sikke filoriye bey‘ eyledi dedikde, mezbûr cemî‘ini bey‘a inkâr edip belki hissem bey‘ eyledim dedikde, mezbûr Ramazan’dan beyyine taleb olundukda udûl-i müslimînden Sinan Bey b. Abdullah ve Şehsuvar Bey b. Abdullah edâ-i şehâdet edip dediler ki mezbûre hâtun zikr olan yeri ki cemî‘ hudûd ile mezbûr Ramazan’a yüz filoriye bey‘ eyledi biz şâhidiz şehâdet ederiz dedikleri gıbbe’t-tezkiye hayyiz-i kabûlde vâkı‘ olup gıbbe’t-taleb kayd-ı sicil olundu. Tahrîren fî evâhiri Zilhicce sene 970. Şuhûdü’l-hâl: Şuhûd-ı a‘lâ ve Bayezid Yeniçeri b. Abdullah ve Hayran Abdi b. Hasan ve Hamza b. Abdullah ve gayruhum