Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 105 Hüküm no: 86 Orijinal metin no: [7b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sultan I. Selim’in İstanbul’daki imaret ve cami vakıflarına bağlı bazı köylerin mukataa olarak Ali Çelebi b. Şaban’a verildiği Vech-i tahrîr-i hurûf oldur ki Merhûm ve magfûrun-leh Sultan Selim Hân -tâbe serâhu- hazretlerinin mahrûse-i İstanbul’da vâkı‘ olan imâret-i âmire ve câmi‘-i şerîf evkāfından vilâyet-i Anadolu’da Üsküdar ve İznikmid ve kadılıklarında vâkı‘ olan Tavşancıl ve İnegönlü ve Örgünlü ve Tepecik nâm karyelerin öşr-i gallâtın ve rüsûm-ı çiftin ve bennâkin ve çift avâbık resm-i arûsânesini ve cürm ü cinâyetin olup kimesnesi kalmayıp yeri tapuya müstehak olmasından ve beytülmâl ve müddet-i örfiyesin tamâm olan avâbık bey‘inden mâ‘adâ mahsûlâtın sene dokuz yüz yetmiş Recebi’nin altısında duhûl eden Mart ibtidâsından bir yıla kasaba-i Gekvize’den Mustafa b. İsa nâm kimesne yirmi bir bin akçeye iltizâm etmiş idi. Üsküdar’a tâbi‘ Nerdübanlı nâm karyeden Ali Çelebi b. Şaban meclis-i şer‘a gelip ibtidâ-i târîhden sene-i mezbûrede iltizâm-ı mezbûr üzerine bin akçe dahi ziyâde edip cem‘an yirmi iki bin akçeye olageldiği üzere karye-i mezbûre mahsûlâtın iltizâm edip evkāf-ı mezbûrenin hâliyâ câbisi olan Suhte Mehmed b. Ali mezbûr Ali Çelebi’nin iltizâmın kabûl edip mezbûra mukāta‘aya verdim ve mezbûrun iltizâmın kabûl ettim dedikde, zarar-ı mâla Mahmud Çelebi b. Turgut kefîl olup mâ hüve’l-vâkı‘ gıbbe’t-taleb kayd-ı sicil olundu. Tahrîren fî 22 Zilhicce sene 970. Şuhûdü’l-hâl: Memi Çelebi b. Karagöz ve Mustafa b. Mehmed ve Nasuh b. Hamza ve gayruhum mine’l-hâzırîn