Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 111 Hüküm no: 100 Orijinal metin no: [8b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Köni v. Kini’nin, Ahmed Bey b. Abdullah’a borçlu olduğu Vech-i tahrîr-i hurûf oldur ki Köni v. Kini nâm zimmî meclis-i şer‘de Ahmed Bey b. Abdullah mahzarında bi-tav‘ihî ikrâr-ı sahîh edip dedi ki, mezbûr Ahmed Bey’e katır bahâsından altı yüz otuz akçe lâzımü’l-edâ deynim vardır dedikde, mukırr-ı mezkûrun i‘tirâfını mukarrun leh Ahmed Bey dahi bi’l-muvâcehe tasdîk edip mâ hüve’l-vâkı‘ bi’t-taleb kayd-ı sicil olundu. Tahrîren fî evâhiri Zilhicce sene 970. Şuhûdü’l-hâl: Alagöz Bey b. Abdullah ve Mustafa b. Köprücü, Davud Bey b. Abdullah ve Mehmed Bey b. Abdullah ve Nasuh b. Hamza ve gayruhum