Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 111 Hüküm no: 102 Orijinal metin no: [8b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud Çelebi b. Ali Bey ve kardeşi Ahmed Çelebi’ye babalarından kalan orman için, Hüseyin b. İsa, Hasan b. Eşref, İbrahim b. Sarıca ve Mahmud b. Gündüz’ün davacı olmadığı Vech-i tahrîr-i hurûf oldur ki Karye-i Viran’dan Hüseyin b. İsa ve Hasan b. Eşref ve İbrahim b. Sarıca ve Mahmud b. Gündüz nâm kimesneler hudûd üzerine varıldıkda ikrâr ve i‘tirâf kılıp eyitdiler ki Mahmud Çelebi b. Ali Bey ve karındaşı Ahmed Çelebi nâm sağîrelerin vâsisi olan Halil Bey b. Abdullah nâm kimesne mahzarında cevâb verip dediler ki Mahmud Çelebi b. Ali Bey ve karındaşı Ahmed Çelebi nâm sağîrelerin babalarından intikāl eden karye-i Başıbüyük sınırında bir mikdâr orman ki bir cânibi Kayışpınarı deresi ve bir cânibi Tekirlük ve bir cânibi Akçayar ve bir cânibi Viran köyü yoluna ve bir cânibi Hamza ağılına muttasıl olan hudûd-ı mezbûrânın içinde olan hâlî yerlere bizim nizâ‘mız yokdur tezkerede olan hudûd-ı mezkûr mukarreredir deyu mukır olduklarında eytâm-ı mezbûrânların vâsisi olan Halil b. Abdullah talebiyle sebt olundu vakt-i hâcetde ihticâc edine. Tahrîren fî evâhiri Zilhicce sene 970. Şuhûdü’l-hâl: Kalender Hoca b. Ali, Korucu Yahya b. Abdullah, Yusuf b. Hamza an karye-i Başıbüyüklü, Hüseyin b. İsa, Mustafa b. Süleyman