Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 113 Hüküm no: 105 Orijinal metin no: [9a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mirza b. Hümeyni’nin izinsiz bindiği emanet merkebin sahibinin tazminat istemesi Vech-i tahrîr-i hurûf oldur ki Küçük b. Alican nâm Acem, Mirza b. Humeyni nâm Acem mahzarında da‘vâ edip dedi ki, mezbûr Mirza’ya emânet bir merkeb verdim binip şehre gelmiş benim icâzetim yok idi dedikde, mezbûr Mirza’ya suâl olundukda bindim şehre geldim bana ben şehre gel arpa al demiş idi dedikde, mezbûr Küçük inkâr edip Mirza’dan da‘vâsına mutâbık beyyine taleb olundukda âciz olup hasmının yemîn taleb olundukda yemîn billâh edip icâzet vermedim deyip tazmîn emr olunup mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâhiri Zilhicce sene 970. Şuhûdü’l-hâl: Mevlânâ Tâceddin Efendi b. Süleyman ve Alagöz Bey b. Abdullah ve Ahmed Bey b. Abdullah ve gayruhum