Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 125 Hüküm no: 138 Orijinal metin no: [11b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şehzadeye ait Üsküdar ve Yoros’taki bazı vergilerin Mustafa Çelebi’ye mukataaya verildiği Vech-i tahrîr-i hurûf oldur ki Şehzâde-i civân-baht -tâle bekāhu- hazretlerinin cânib-i şerîflerinden kazâ-i Üsküdar’a ve Yoros’a Gekvize niyâbetinden mâ‘adâ yava-i keferenin harâcın ve mâl-ı gayb ve mâl-ı mefkûdun ve beytülmâlin ber vech-i iltizâm emîn olan Fazlullah İsa Fakih meclis-i şer‘de Mustafa Çelebi b. Abdi muvâcehesinde ikrâr edip dedi ki, zikr olan yerlerin mâl-ı gāib ve mâl-ı mefkûdun ve beytülmâlin harâcından mâ‘adâsın sene ihdâ ve seb‘îne ve tis‘a-mi’e Muharremi’nin ibtidâsından bir yıla iki bin akçeye mukāta‘aya verip mezbûr Mustafa Çelebi dahi kabûl ettim dedikde, mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâili Muharremi’l-harâm sene 971. Şuhûdü’l-hâl: Mevlânâ Abdi Çelebi b. Elhâc Lütfi ve Hüsam b. Murad ve Alagöz Bey b. Abdullah ve Hayran Abdi b. Hasan ve Mustafa b. Mehmed ve gayruhum