Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 127 Hüküm no: 143 Orijinal metin no: [12a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şehzadeye ait Yoros’un vergilerini mukataaya alan Fazlullah’ın borcunun bir kısmını ödediği Vech-i tahrîr-i hurûf oldur ki Şehzâde-i civân-baht -tâbe bekāhu- hazretlerinin cânib-i şerîfinden yava-i kefere harâcına ve beytülmâline ve cürm-i cinâyetine ve mâl-ı mefkûd ve mâl-ı gāibine ber vech-i iltizâm emîn olan Mahmud Çelebi b. Elhâc Mehmed meclis-i şer‘de Üsküdar kazâsına Gekvize niyâbetinden mâ‘adâ ve Yoros kazâsının yava harâcına ve beytülmâline ve cürm-i cinâyet ve mâl-ı gāib ve mâl-ı mefkûduna mültezim olan Fazlullah b. İsa Fakih muvâcehesinde bi-tav‘ihî ikrâr ve i‘tirâf edip dedi ki, zikr olan yerlerin mezbûr Fazlullah’a on bin akçe mukāta‘aya vermiş idim meblag-ı mezbûrdan bin beş yüz akçesin aldım bâki sekiz bin beş yüz akçe bâki kaldı dedikde, mukırr-ı mezkûrun i‘tirâfını vicâhen mezkûr Fazlullah dahi tasdîk edip mâ hüve’l-vâkı‘ gıbbe’t-taleb kaydı sicil olundu. Tahrîren fî evâili Muharremi’l-harâm sene 971. Şuhûdü’l-hâl: Elhâc Sefer b. Yusuf [ve] Usta Veli b. Nurullah ve Şaban b. Şah Veli ve Mü’ezzin Hasan b. Süleyman ve gayruhum