Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 128 Hüküm no: 146 Orijinal metin no: [12b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Manol v. Kokoz ile Yorgi v. Balaban’ın alacak verecek davası Vech-i tahrîr-i hurûf oldur ki Karye-i İstavros’dan Manol v. Kokoz meclis-i şer‘de Yorgi v. Balaban nâm zimmî muvâcehesinde da‘vâ kılıp dedi ki, mezbûr Yorgi de karz-ı hasenden beş yüz akçe verdim taleb ederim dedikde, mezbûr Yorgi’ye suâl olundukda inkâr edip mezbûr Manol’dan da‘vâsına mutâbık beyyine taleb olundukda udûl-i müslimînden Ali b. Behram ve Papa Dimitri v. Vatanod nâm kimesneler şehâdet edip dediler ki mezbûr Yorgi benim zimmetimde beş [yüz] akçe vardır mezbûr Manol’a dedi biz şâhidiz şehâdet ederiz dediklerinde gıbbe’t-tezkiye hayyiz-i kabûlde vâkı‘ olup mûcibine hükm olunup mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâili Muharremi’l-harâm sene 971. Şuhûdü’l-hâl: Ramazan b. Hüseyin ve Sefer b. İlyas ve Mahmud Çelebi b. Turgut ve Mustafa b. Mehmed