Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 131 Hüküm no: 154 Orijinal metin no: [13a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud b. Hamza’nın, İstanbul’a köle geçirdiğini kabul etmesi Vech-i tahrîr-i hurûf oldur ki İstanbul ma‘berinde (…) emîni olan cânibinden Süleyman Bey meclis-i şer‘a kazâ-i Lârende’den Mahmud b. Hamza nâm kimesneyi ihzâr edip bir oğlan geçirmiş suâl olunsun kendinin midir dedikde, mezbûr suâl olundukda cevâb verip dedi ki, işbu sağîr ak benizli gulâm benimdir yerimden getirdim dediği takrîri gıbbe’t-taleb kayd-ı sicil olundu. Tahrîren fî evâili Muharrem sene 971. Şuhûdü’l-hâl: Mustafa Çelebi b. Mehmed ve Alagöz Bey ve Mehmed Çelebi b. Ömer ve Ali el-muhzır ve gayruhum