Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 133 Hüküm no: 160 Orijinal metin no: [13b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Şeker’in, Süleyman b. Veli’yi dövmesi Vech-i tahrîr-i hurûf oldur ki Süleyman b. Veli meclis-i şer‘a Ali b. Şeker nâm kimesneyi ihzâr edip üzerine takrîr-i da‘vâ edip dedi ki, mezbûr Ali beni eliyle ve taş ile darb eyledi hakkım taleb ederim dedikde, mezbûr Ali’ye suâl olundukda inkâr edip Süleyman’dan da‘vâsına mutâbık beyyine taleb olundukda âciz olup hasmının yemînin taleb eyledikde mezbûr İsa’ya yemîn teklîf olunup yemînden ba‘de’t-teklîf nükûl edip gıbbe’t-taleb kayd-ı sicil olundu. Tahrîren fî evâili Muharrem sene 971. Şuhûdü’l-hâl: Kasım Halîfe b. Ahmed ve Süheyl el-Mütevellî ve Ali b. Behram ve gayruhum