Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 141 Hüküm no: 185 Orijinal metin no: [15a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçaroz v. Dimitri’nin, Mihal v. Lagod’a ödünç verdiği Vech-i tahrîr-i hurûf oldur ki Karye-i Çengel’den Mihal v. Lagod nâm zimmî meclis-i şer‘de Kaçaroz v. Dimitri nâm zimmî muvâcehesinde bi-tav‘ihî ikrâr-ı sahîh-i şer‘î edip dedi ki, mezbûr Kaçaroz’a karz-ı hasenden üç bin sekiz yüz akçe deynim var dedikde, mezbûr Kaçaroz dahi mukırr-ı mezkûrun i‘tirâfını vicâhen ve şifâhen tasdîk edip mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâsıtı Muharremi’l-harâm sene 971. Şuhûdü’l-hâl: Kasım Halîfe b. Ahmed ve Süheyl el-Mütevellî ve Budak Çelebi b. Davud ve Ali b. Behram ve Mustafa b. Mehmed ve Nasuh el-muhzır ve kâtibü’l-hurûf