Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 153 Hüküm no: 217 Orijinal metin no: [16-2b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yunus b. İsa’nın, Mehmed b. Hüseyin’e dükkân satışından borçlu olduğu Vech-i tahrîr-i hurûf oldur ki Nefs-i Üsküdar’dan Mehmed b. Hüseyin meclis-i şer‘de mahalle-i Toygar’dan Yunus b. İsa muvâcehesinde da‘vâ edip dedi ki, bey‘ ettiğim dükkân bahâsından mezbûrda on bir sikke filorim var aslı dört bin altı yüz altmış idi dört binin kabz ettim altı yüz altmış kaldı dedikde, mezbûr Yunus’a suâl olundukda cevâb verip dedi ki, meblag-ı mezbûrun cümlesin edâ ettim dedikde, mezbûr Yunus’dan da‘vâsına mutâbık beyyine taleb olundukda beyyineden âciz olup hasmının yemîn taleb eyledikde mezbûr Mehmed yemîn billâh edip on bir sikkesin almadım dediği gıbbe’t-taleb kayd-ı sicil olundu. Tahrîren fî âhiri Muharrem sene 971. Şuhûdü’l-hâl: Mehmed Çelebi b. Hasan ve Alagöz Bey b. Abdullah ve İsa Bâli b. Tanrıvermiş ve Müstecab b. Mustafa ve Nasuh b. Hamza ve gayruhum