Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 155 Hüküm no: 222 Orijinal metin no: [17a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hayri Çavuş Vakfı’nın, Nikola v. Franko’ya ödünç verdiği Vech-i tahrîr-i hurûf oldur ki Karye-i İstavros’dan Nikola v. Franko meclis-i şer‘de merhûm Hayrî Çavuş Evkāfı’na bi’l-fi‘l mütevellî olan Ferruh b. Abdullah muvâcehesinde bi-tav‘ihî ikrâr-ı sahîh-i şer‘î ve i‘tirâf-ı sarîh-i mer‘î kılıp dedi ki, evkāf-ı mezbûreye zimmetimde lâzımü’l-edâ bin yüz akçe deynim vardır dedikde, mukırr-ı mezkûrun i‘tirâfını mezbûr Ferruh vicâhen tasdîk edip gıbbe’t-taleb kayd-ı sicil olundu. Tahrîren fi’t-târîhi’l-mezbûr. Şuhûdü’l-hâl: Kasım Halîfe b. Ahmed ve Sefer b. İlyas ve Mustafa b. Mehmed ve Ali b. Behram ve gayruhum