Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 156 Hüküm no: 224 Orijinal metin no: [17a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fatma bt. Ali’nin kocası Hacı Mehmed b. Ahmed’den mehirsiz ve nafakasız boşandığı (muhâla‘a) Vech-i tahrîr-i sicil oldur ki Gülfem mahallesinden Hacı Mehmed b. Ahmed meclis-i şer‘de vâlidesi Fatıma bt. Ali’nin tasdîk-i âtiyesine vekîl-i şer‘î olan oğlu Halil b. Ömer mahzarında bi-tav‘ihî ikrâr-ı sahîh-i şer‘î edip dedi ki, zevcem mezbûre Fatıma mehr-i mü’eccelinden ve nafaka-i iddetinden küllî ve cüz’î nikâhla lâzım olanından ferâgat etmek üzerine mezbûr benden bir bâyin talâk taleb eylediği ecilden vech-i meşrûh üzere mezbûreyi bâyin talâk boşadım dedikde, mukırr-ı mezkûrun i‘tirâfını vicâhen mezbûr Halil tasdîk edip sıhhat-ı talâka hükm olunup mâ hüve’l-vâkı‘ gıbbe’t-taleb kayd-ı sicil olundu. Tahrîren fi’t-târîhi’l-mezbûr. İnde’ş-şuhûdi’l-mezbûr.