Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 156 Hüküm no: 226 Orijinal metin no: [17a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Bey b. Abdullah’ın, Mehmed b. Şeyhi’de alacağının kalmadığı Vech-i tahrîr-i hurûf oldur ki Osman Bey b. Abdullah meclis-i şer‘de Mehmed b. Şeyhî nâm kimesne mahzarında ikrâr edip dedi ki, mezbûr Mehmed’de beş yüz balaban akçesi ki üzerine sâbit olmuştu iki filorisin bana had(?) ettiğine tutup bâkisin bağışladım eğer edâ etmezse, ederse de rücû‘ ederim dedikde, mezbûr Mehmed dahi müşârunileyh Osman Bey’de olan hakkımı bi’t-tamâm aldım kabz ettim müşârunileyhde da‘vâm nizâ‘ım kalmadı eğer da‘vâ edersem inde’l-hükkâm mesmû‘ ve makbûl olmaya dedikde, tarafeynden vech-i meşrûh üzere tesâdukları gıbbe’t-taleb kayd-ı sicil olundu. Tahrîren fî evâili Saferi’l-hayr sene 971. Şuhûdü’l-hâl: Mehmed Bey b. Hasan ve Ramazan Bey b. Abdullah ve Nasuh b. Hamza ve gayruhum