Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 158 Hüküm no: 230 Orijinal metin no: [17b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Manol’un, Todora v. Nikola’dan alacak şikâyeti Vech-i tahrîr-i hurûf oldur ki Yani v. Manol meclis-i şer‘de karye-i İstavros’dan Todora v. Nikola mahzarında da‘vâ edip dedi ki, mezbûr Todora’da üç yüz elli akçem var idi taleb ederim dedikde, mezbûr Todora’ya suâl olundukda cevâb verip dedi ki, mezbûr Yani b. Bâli nâm muhzıra sâbıkā havâle edip vermiş idim dedikde, mezbûr Yani bana vâsıl olmadı deyu inkâr edip mezbûrun da‘vâsına mutâbık beyyine taleb olundukda beyyineden âciz olup hasmının yemîn taleb eyledikde mezbûr Yani bana vâsıl olmadı ve ben almadım deyu yemîn billâh edip mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâili Saferi’l-hayr sene 971. Şuhûdü’l-hâl: Sefer b. Mahmud ve Mustafa b. Mehmed, Pîri b. İskender an karye-i Eşikli ve Ali b. Behram ve Hüseyin birâder-i o ve gayruhum