Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 164 Hüküm no: 249 Orijinal metin no: [18a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’na ait odanın kiraya verilmesi Vech-i tahrîr-i hurûf oldur ki Selman Ağa câbisi olan Mevlânâ Kasım Halîfe b. Ahmed meclis-i şer‘a Hızır b. İdris’i ihzâr edip mezbûr Selman Ağa Evkāfı’ndan bir odayı Tavukçu Hayran demekle ma‘rûf kimesneye ayda yirmi akçeye kirâya verip mezbûr Hayran zikr olan odada bir yıl bir ay sâkin olup zikr olan kirâya sen kefîl olmuşsun taleb ederim dedikde, mezbûr Hızır’a suâl olundukda inkâr ile cevâb verip mezbûr Kasım Halîfe’nin sıdk-ı da‘vâsına beyyine taleb olundukda udûl-i müslimînden Beşir Halîfe b. Hüsam ve Eymir Halîfe b. Hasan müddeî‘-i mezbûrun da‘vâsına mutâbık şehâdet ettiklerinden şâhidân-ı mezbûrânın şehâdetleri ba‘de’t-tezkiye hayyiz-i kabûlden vâkı‘ olup gıbbe’t-taleb kayd-ı sicil olundu. Tahrîren fî evâili Safer sene 971. Şuhûdü’l-hâl: Mustafa Çelebi b. Mehmed ve Neccar Cafer b. Abdullah ve Nebi Halîfe b. Hasan ve Süleyman b. Hızır