Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 172 Hüküm no: 273 Orijinal metin no: [20a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ömer b. Hızır’ın, Ahmed Fakı b. Sultan Fakı’dan rüşvet alması Vech-i tahrîr-i sicil oldur ki Ahmed Fakı b. Sultan Fakı nâm koyun eri meclis-i şer‘a gelip takrîr-i da‘vâ kılıp eyitdi ki, Ömer b. Hızır nâm kimesneyi meclis-i şer‘a getirip takrîr-i da‘vâ kılıp eyitdi ki, bizden on altın rüşvet deyu aldı gelip yedi altını verdi üç altını zimmetinde kaldı taleb ederim deyicek bi’l-mukābele inkâr ettikde udûl-i müslimînden Zülfikar b. Kara Hacı, Mehmed b. Yakup Bâki nâm kimesneler şehâdet edip eyitdiler ki biz şâhidleriz şehâdet dahi ederiz ki mezbûr Ahmed Fakı mezkûr Ömer’e on altını verip yedi altın da aldı ve üç altını üzerinde kaldı deyu şehâdet ettikleri ecilden gıbbe’t-taleb kayd-ı sicil olundu. Tahrîren fî evâsıtı Saferi’l-hayr sene 971. Şuhûdü’l-hâl: Mahmud b. Kırlangıç, Veli b. Alagöz Bey, Hasan b. Ali ve gayruhum mine’l-hâzırîn