Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 176 Hüküm no: 282 Orijinal metin no: [21a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Abdullah’ın, Burak ve Bâli’deki alacakları için Ahmed Bey’i vekil ettiği Vech-i tahrîr-i hurûf oldur ki Ahmed b. Abdullah nâm kimesne meclis-i şer‘a gelip Ahmed Bey b. Abdullah nâm kimesneyi Burak ve Bâli nâm kimesnelerde olan akçelerimi ki mezbûr Burak’da beş filoridir ve mesfûr Bâli’de on yedi filoridir mezbûr Ahmed Bey meblag-ı mezbûrun kabzına ve husûmetine vekîl ettim dedikde, mezbûr Ahmed Bey dahi kabûl eylemeyip mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâsıtı Saferi’l-hayr sene 971. Şuhûdü’l-hâl: Davud Bey b. Abdullah ve Mehmed Bey b. Abdullah ve Halinbilen Mehmed b. Halil ve gayruhum