|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 181 Hüküm no: 296 Orijinal metin no: [22a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Katırcı Yusuf b. Mehmed’in İstanbul’a getirdiği kölenin Ayaşlı Mustafa Çelebi’nin olduğu
Vech-i tahrîr-i hurûf oldur ki İstanbul ma‘berinde pencik emîni olan kimesnenin âdemlerinden Süleyman Bey b. Abdullah meclis-i şer‘a Katırcı Yusuf b. Mehmed nâm kimesneyi ihzâr edip bilesince bir nâ bâliğ sâde-rû Bosnaviyyü’l-asl gulâmı ihzâr edip mezbûr gulâmı bu cânibe getirmiş penciğin vermemiş kimindir suâl olunsun dedikde, mezbûra suâl olundukda mezbûr Yusuf cevâb verip dedi ki, mezbûr kul Ayaşlı Mustafa Çelebi’nindir dediği i‘tirâfı gıbbe’t-taleb kayd-ı sicil olundu. Tahrîren fî evâhiri şehri Safer sene 971.
Şuhûdü’l-hâl: Tâceddin Efendi b. Süleyman, Ali Bey b. Yusuf, Pervâne b. Abdullah ve Süleyman b. Abdullah ve gayruhum
|