Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 182 Hüküm no: 299 Orijinal metin no: [22a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçan cariyesini bulan Hüseyin b. Hasan’ın, bu konuda Yunus b. Abdullah’la bir davası olmadığı Vech-i tahrîr-i hurûf oldur ki Hüseyin b. Hasan nâm kimesne meclis-i şer‘de Yunus b. Abdullah nâm kimesnenin tasdîk-i âtiyesine Yusuf b. Abdullah ve Memi b. Hüseyin şehâdetleriyle vekâlet-i şer‘iyyesi sâbite olan Sinan Bey b. Abdullah nâm kimesne mahzarında bi-tav‘ihî ikrâr-ı sahîh-i şer‘î ve i‘tirâf-ı sarîh-i mer‘î kılıp dedi ki, bir câriyem kaçmış idi mezbûr Sinan Bey’in müvekkili olan mezbûr Yunus b. Abdullah nâm kimesneden zan etmiş idim câriyemi buldum mezbûr Yunus’da min ba‘d da‘vâm ve nizâ‘ım yokdur eğer edersem inde’l-hükkâm makbûl ve mesmû‘ olmaya dedikde, mukırr-ı mezbûrun i‘tirâfını vicâhen mezbûr Sinan Bey tasdîk ve tahkīk edip mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâhiri Saferi’l-hayr sene 971. Şuhûdü’l-hâl: Hamza b. Abdullah ve Sefer b. İlyas ve Habib b. Behram ve Şaban b. Vânî ve Cafer b. İshak, Mustafa b. Mehmed ve gayruhum