|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 188 Hüküm no: 314 Orijinal metin no: [23b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mehmed Efendi’nin at satışından Doğancı Ali b. Abdullah’tan alacaklı olduğu
Vech-i tahrîr-i hurûf oldur ki Mehmedpaşa mahallesinden Doğancı Ali b. Abdullah meclis-i şer‘de merhûm Mehmed Efendi’nin eytâmına vâsi-i şer‘î olan Memi b. İbrahim mahzarında da‘vâ edip dedi ki, mezbûr Mehmed Efendi’ye beş yüz akçeye bir at verdim üç yüzün aldım bâki iki yüz akçe zimmetinde kaldı taleb ederim dedikde, mezbûra suâl olundukda inkâr edip mezbûr Ali’den da‘vâsına mutâbık beyyine taleb olundukda udûl-i müslimînden Bayram b. Abdullah ve Ali b. Abdullah nâm kimesneler mezbûrun lafzen ve ma‘nen da‘vâsına mutâbık edâ-i şehâdet edip mezbûrânın şehâdetleri gıbbe’t-tezkiye hayyiz-i kabûlde vâkı‘ olup gıbbe’t-taleb bî-vech hükm olunup sebt-i sicil olundu. Tahrîren fi’t-târîhi’l-mezbûr.
Şuhûdü’l-hâl: Fazlullah b. İsa Fakih ve Abdi Çelebi b. Lütfi ve Mustafa b. Mehmed ve gayruhum
|