.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 190
Hüküm no: 320
Orijinal metin no: [24a-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Yasemin bt. Abdullah’ın, evini Mevlana Nebi Halife b. Hasan’a sattığı

Vech-i tahrîr-i hurûf budur ki Yasemin bt. Abdullah nâm hâtun meclis-i şer‘de Mevlânâ Nebi Halîfe b. Hasan muvâcehesinde bi-tav‘ihî ikrâr ve i‘tirâf edip Üsküdar mahallâtından Kebçe mahallesinden fevkānî ve tahtânî bir çatma evimi havlusuyla ve cemî‘-i tevâbi‘ ve levâhıkıyla tarîk-ı âmla ve Cafer b. Mürüvvet ve Veliyüddin mülkleriyle ve Derviş mülküyle mahdûd olan mülk evimi beş bin râyicü’l-vakt akçeye bey‘ edip mebî‘-i mezbûru teslîm edip semen-i merkūmdan elli beş sikke filoriyi alıp bâki yedi yüz akçem kalmıştır dedikde, mukırr-ı mezbûreyi mukarrun lehü’l-mezkûr tasdîk ettikde sıhhati ikrâra hükm olunup gıbbe’t-taleb kayd-ı sicil olundu. Tahrîren fî 5 Rebî‘ilevvel sene 971.


Şuhûdü’l-hâl: Mevlânâ Alaaddin Efendi b. İbrahim ve Şaban b. Mehmed ve Hacı Veli b. Hüseyin ve Muslihiddin b. Şaban ve gayruhum