|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 202 Hüküm no: 352 Orijinal metin no: [27b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Abdullah Ağa Vakfı’na ait yerin Kalo b. Yakob’a satıldığı
Vech-i tahrîr-i sicil budur ki Merhûm Abdullah Ağa Evkāfı’ndan hâliyâ mütevellî olan Hacı Mehmed b. Osman ve câbi olan Hacı b. Sinan ve Nâzır Turgut b. Hızır meclis-i şer‘a hâzırûn olduklarında takrîr-i kelâm kılıp dedi ki, Kuzguncuk nâm vakıf yerlerinden bir kıt‘a hâlî yer ki hudûdunun bir tarafı tarîk-ı âm ve bir tarafı Yahûdî Seki mülküne ve bir taraf deryâ ve bir taraf arz-ı hâlî yere muttasıl tûlen yirmi beş ( ) hâlî yeri işbu sâhibü’s-sicil Kalo b. Yakob nâm Yahûdî’nin vakıf için beş yüz akçe resm-i tapusun aldım ve yerin keyfemâ yeşâ mutasarrıf olup kimesne mâni‘ ve müzâhim olmaya dediklerinde mezbûr Kalo mukırr-ı mezbûrları vicâhen tasdîk ettikde sıhhat-ı tapuya hükm olundu ki bi’t-taleb kayd-ı sicil olundu. Vaka‘a’t-tahrîr fî evâsıtı Rebî‘ilevvel li-sene 971.
Şuhûdü’l-hâl: Alagöz Bey b. Abdullah Zaîm, Mustafa b. Mehmed, Hüseyin b. Behram, Mahmud b. Ahmed ve gayruhum
|