|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 204 Hüküm no: 357 Orijinal metin no: [28a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Sitti bt. Yakub ile kocası İsa b. Musa’yı döven Bâli b. İbrahim’in sulh olduğu
Vech-i tahrîr-i sicil budur ki Karye-i Soğanlık’ [dan] Sitti bt. Yakup ve zevci İsa b. Musa meclis-i şer‘a hâzırân olduklarında karye-i mezbûreden Bâli b. İbrahim muvâcehesinde takrîr-i kelâm edip dedi ki, çekişip beni darb edip başımıza vurdu deyu da‘vâ etmiş idin mezbûr Bâli inkâr ile cevâb vericek hâliyâ muslihûn ve mütevassıtûn olup es-sulhu hayrun deyişiyle amel olunup üç yüz akçe melhem bahâsından verip ve ben İstanbul kilesiyle beş kile buğday verip ibrâ ve iskāt ettiği husûsun kabzına müte‘allik mezbûr Bâli b. Hasan da‘vâm ve nizâ‘ım yokdur ve illâ inde’l-hükkâm mesmû‘ olmaya dediklerinde ve mezbûr Bâli dahi bedel-i ibrâ verdiğim akçeden ve buğdaydan da‘vâm ve nizâ‘ım yokdur ve illâ inde’l-hükkâm mesmû‘ olmaya dedikde, tarafeynden sâdır olan ikrârları bi-hasebi’ş-şer‘i’ş-şerîfi mu‘teber görülüp sıhhat-ı ibrâ mukarrer olup kayd-ı sicil olundu. Vaka‘a’t-tahrîr fî evâsıtı Rebî‘ilevvel sene 971.
Şuhûdü’l-hâl: Beşir Halîfe b. Nebi, Hacı Reîs b. Çalapverdi, Mustafa b. Mahmud, Mahmud b. Mehmed, Nebi Fakih b. Hasan el-Mü’ezzin, Nasuh b. Hamza, Mehmed b. İbrahim ve gayruhum
|