.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 220
Hüküm no: 401
Orijinal metin no: [32a-5]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Kaybolan Bâli Reis’in vârisleri

Vech-i tahrîr-i hurûf budur ki Zaîmü’l-vakt olan Alagöz Bey b. Abdullah meclis-i şer‘a Hümâ bt. Nasi’yi ihzâr edip Bâli Reîs nâm kimesne gāyib olup hayâtı ve memâtı nâ-ma‘lûm olup esbâbını zabt etmişsin bu husûsa elimde emr-i şerîf vardır dedikde, mezbûre hâtuna suâl olundukda mezbûr Bâli benim li-üm karındaşımdır vâris-i ma‘rûfesinden [im] dedikde, gıbbe’l-inkâr mezbûre hâtunun da‘vâsına mutâbık beyyine taleb olundukda udûl-i müslimînden Mevlânâ Behlül Halîfe b. Yegan ve Mevlânâ Lütfi Halîfe b. İsa edâ-i şehâdet edip dediler ki mezbûr Bâli Reîs, Nasi bt. Osman üvey sulbî oğludur ve babasına Yağşi derler ve mezbûre Hümâ, Nasi bt. Osman kızıdır mezbûre Hümâ’nın babası Hüseyin b. Mehmed’dir mezbûrân Bâli Reîs ve Hümâ mezbûre Nasi’nin oğlu ve kızıdır mesfûr Bâli Reîs’in mezbûre Hümâ Hâtun li-üm kızkarındaşı idiğine şâhidleriz ve şehâdet dahi ederiz dediklerinde şâhidân-ı mezbûrânın şehâdetleri ba‘de’t-tezkiye ve’t-tahlîf hayyiz-i kabûlde vâkı‘ olup gıbbe’t-taleb kayd-ı sicil olundu. Tahrîren fî 3 Rebî‘ilâhir sene 971.


Şuhûdü’l-hâl: Mevlânâ Süleyman Halîfe b. Mehmed ve Hasan b. Süleyman ve Ömer Çelebi b. Memi Çelebi ve Şaban b. Mehmed ve gayruhum mine’l-hâzırîn