|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 222 Hüküm no: 406 Orijinal metin no: [32b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Kocasından muhâla‘a yoluyla boşanan Gülizar bt. Abdullah’ın nafaka isteyemeyeceği
Vech-i tahrîr-i hurûf oldur ki Nef-i Üsküdar’da mütemekkine olan Gülizar bt. Abdullah meclis-i şer‘a gelip zevci Kalender b. Bayezid’i ihzâr edip üzerine takrîr-i da‘vâ kılıp eyitdi ki, zevcim Kalender beni boşadı hâliyâ nikâhım taleb ederim dedikde, mezkûr Kalender inkâr ile cevâb verip eyitdi ki, ben mezkûre hâtunum Gülizar’a talâk verdiğimde nikâhından ve iddet-i nafakasından elinde olan kızının nafakasından ferâgat eyledi hul‘ etmiştik dedikde, sıdk-ı da‘vâsına beyyine taleb olundukda udûl-i müslimînden Çebni b. Bayezid ve Musa Bey b. Sinan şehâdet edip eyitdi ki mezkûr Kalender zevcesi Gülizar ile bizim yanımızda hul‘ ettiklerine şehâdet ederiz deyu şehâdet eylediklerinde mezkûrların şehâdetleriyle ba‘de’t-tezkiye sıhhat-ı hul‘a hükm olundu. Tahrîren fî 2 Rebî‘ilâhir sene 971.
Şuhûdü’l-hâl: Mustafa b. Mehmed ve Mustafa b. Mehmed el-Muhzır ve Alagöz Bey b. Abdullah ve Ömer b. Üveys
|