.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 226
Hüküm no: 416
Orijinal metin no: [33b-5]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Dimitri b. Yako’nun, Andriya b. Deni’ye ödünçten borçlu olduğu

Vech-i tahrîr-i hurûf budur ki Dimitri b. Yako meclis-i şer‘a Andriya b. Deni ihzâr edip sana yetmiş akçe karz-ı hasen verdim taleb ederim dedikde, mezbûr Andriya’ya suâl olundukda inkâr ile cevâb verip mesfûr Dimitri’den sıdk-ı da‘vâsına mutâbık beyyine taleb olundukda Balaban b. Nikola ve Todora b. Yani mesfûr Dimitri’nin da‘vâsına mutâbık şehâdet ettiklerinde mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâili Rebî‘ilâhir li-sene 971.


Şuhûdü’l-hâl: Abdi Çelebi b. Hacı Lütfi ve Mevlânâ Cafer Halîfe b. Sinan Halîfe ve Hüseyin b. Hacı ve gayruhum