|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 229 Hüküm no: 424 Orijinal metin no: [34b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Emine Hatun bt. İbrahim’in, ölen Muhyiddin Efendi b. Mustafa’nın terekesinden alacağını tahsil ettiği
Vech-i tahrîr-i sicil budur ki Mahrûse-i İstanbul’dan Akşemseddin mahallesinden Emine bt. İbrahim meclisi şer‘a hâzır olup merhûm Muhyiddin Efendi b. Mustafa’da yetîmlerine kıbel-i şer‘den vâsi nasb olunan Memi b. İbrahim ihzâr edip üzerine takrîr-i da‘vâ kılıp dedi ki, sen vâsileri olduğun yetîmlerin babaları müteveffâ Muhyiddin Efendi zimmetinde beş bin akçe hakkım vardır anam vermiştir hâliyâ taleb etmiş idik hâliyâ Müslümanlar araya girip es-sulhu hayrun hadîsiyle amel olunup üç bin üç yüz altmış akçeye ibrâ ve iskāt ettik bedel-i ibrâyı aldım kabûl ve kabz ettim min ba‘d husûs-ı kazıyyeden da‘vâm ve nizâ‘ım yokdur ve illâ inde’l-hükkâm mesmû‘ ve makbûl olmasın dedikde, mezbûr vâsi dahi bi’l-muvâcehe tasdîk ve tahkîk ettikden sonra sıhhat-ı ibrâya ve sulha hükm olundu ki bi’t-taleb kayd-ı sicil olundu. Vaka‘a’t-tahrîr fî evâsıtı Rebî‘ilâhir sene 971.
Şuhûdü’l-hâl: Derviş Mehmed b. Ali, Ahmed Çelebi b. Hasan, Kasım Çelebi b. Ahmed, Sefer Fakih b. İlyas el-Mü’ezzin, Mustafa b. Hasan, Alagöz Bey b. Abdullah, Ahmed Reîs b. Ramazan
|