.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 230
Hüküm no: 427
Orijinal metin no: [35a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Hüma Hatun bt. Abdullah’ın mehirini ölen kocasının yetimlerinin vasîsinden istemesi

Vech-i tahrîr-i sicil budur ki Hümâ Hâtun bt. Abdullah cânibinden Mehmed b. Abdullah ve Abdurrahman b. Burak şehâdetleriyle vekâleti sâbit olan Ali b. Abdullah meclis-i şer‘a merhûm müteveffâ Mehmed Efendi b. Mustafa’ya müvekkilem Hümâ Hâtun bt. Abdullah zevcesidir iki bin akçe mehr-i mü’ecceli vardır yetîmlerine kıbel-i şer‘den vâsi nasb olan Mehmed b. İbrahim ihzâr edip takrîr-i da‘vâ kılıp dedi ki, müvekkilem Hümâ Hâtun’un mehr-i mü’eccelin taleb ederim dedikde, mezbûr vâsi inkâr ile cevâb vericek Abdi Çelebi b. Hacı Lütfi ve Mehmed b. Sevindik nâm kimesneler dediler ki merhûm Muhyiddin Efendi hâl-i hayâtında bize ikrâr etti mezbûre Hümâ’ya iki bin akçe mehri vardır deyu ikrârına biz şâhidleriz ve şehâdet ederiz dediklerinde ba‘de’t-tezkiye hayyiz-i kabûlde vâkı‘ olup bi’t-taleb kayd-ı sicil olundu. Vaka‘a’t-tahrîr fî evâsıtı Rebî‘ilâhir sene 971.


Şuhûdü’l-hâl: Sofu Yusuf b. Hamza, Mustafa b. Mehmed, Hüseyin b. Hacı Fakih, Ali b. Hacı Fakih ve gayruhum