|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 237 Hüküm no: 446 Orijinal metin no: [37a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Toygar Hamza Vakfı’nın, Nikola b. Frank’a ödünç verdiği
Vech-i tahrîr-i sicil budur ki Memi b. Murad meclis-i şer‘a Nikola b. Frank’ı ihzâr edip üzerine takrîr-i da‘vâ kılıp dedi ki, Toygar Hamza Vakfı’ndan sende bin akçe var idi bâki altmış akçe kaldı ve yüz akçe Hamza zamânından kaldı cem‘an yüz altmış akçe vardır dedikde, mezbûr Nikola’dan suâl olundukda altmış akçeye kefîl bi’l-mâl olup Andriya’ya verdim sâbık olan akçeyi mezbûr Toygar’a verdim deyu cevâb verdi mâ hüve’l-vâkı‘ bi’t-taleb kayd-ı sicil olundu. Vaka‘a’t-tahrîr fî evâsıtı Rebî‘ilâhir sene 971.
Şuhûdü’l-hâl: Nasuh b. Hamza, Hüseyin b. Hacı ve gayruhum
|