|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 238 Hüküm no: 450 Orijinal metin no: [37b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hacı Abdi b. Tebrik’in, Nasuh b. Abdullah’tan müdarebe için alıp gemi battı iddiasıyla reddettiği parayı ödemesi
Vech-i tahrîr-i sicil budur ki Nasuh b. Abdullah meclis-i şer‘a mahrûse-i İstanbul’dan Hacı Abdi b. Tebrik’i ihzâr edip üzerine takrîr-i da‘vâ kılıp dedi ki, Mısır seferine gitmek için sana bin yüz akçe mudârebeye verdim ba‘dehû sen benim iznim yok iken İznikmid’e geldikde ba‘dehû geldikde bana muhâlefet ettin akçeyi istedim vermedi [n] dedikde, mezbûr Abdi’den suâl olundukda bana bin yüz mudârebeye Mısır’a gitmek için verdi ba‘dehû İznikmid’e vardık geldikde akçeyi istedi vermedim Mısır’a gittim gelirken gemi helâk oldu deyu cevâb vericek müfti’z-zamândan fetvâ-yı şerîfe getirip “Zeyd mahrûse-i Mısır seferine gitmek şartıyla mudârebeye bir mikdâr akçe verip Amr ve âhar yere gidip geldikde Zeyd muhâlefet ettin deyu akçesini taleb ettikde Amr vermeyip kaçıp gidip iki yıldan sonra gelirken gark olup mâl zâyi‘ oldu dedikde, Zeyd tafsîl-i mezbûru isbât edicek Amr’dan akçesin almağa kādir olur mu beyân buyurup müsâb oluna, Allâhu a‘lem el-cevâb olur” ber-mûceb-i fetvâyü’ş-şerîf olur meblag-ı mezbûr hükm olunup bi’t-taleb kayd-ı sicil olundu. Vaka‘a’t-tahrîr fî evâsıtı Rebî‘ilâhir sene 971.
Şuhûdü’l-hâl: Mustafa Çelebi b. Abdi, Nasuh b. Hamza, Ali b. Hacı, Mustafa b. Mehmed ve gayruhum
|