.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 239
Hüküm no: 452
Orijinal metin no: [37b-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mahmud b. Yusuf’un babasından kalan ev hissesini, kardeşi Ali’ye sattığı

Vech-i tahrîr-i hurûf budur ki Karye-i Nerdübanlı’dan Mahmud b. Yusuf birâderi Ali’yi meclis-i şer‘a ihzâr edip karye-i mezbûreden hudûdu inde’l-ahâlî ma‘lûme olan müteveffâ babamızdan intikāl eden evin bana intikāl eden hissemi dört yüz akçeye bey‘ edip meblag-ı mezbûru vermez dedikde, mesfûr Ali’ye suâl olundukda üç yüz akçeye satın aldım dediği gıbbe’t-taleb kayd-ı sicil olundu. Tahrîren fî evâsıtı Rebî‘ilâhir li-sene 971.


Şuhûdü’l-hâl: Hüseyin Usta b. Abdullah, Korucu Hasan b. Abdulhay ve Hayreddin b. Abdülkadir ve gayruhum