.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 246
Hüküm no: 474
Orijinal metin no: [39b-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Üsküdar zaiminin, Yeniçeri Davud Bey b. Abdullah’a emanet bıraktığı atın bakım ücretini ödemesi

Vech-i tahrîr-i hurûf budur ki Yeniçeri Davud Bey b. Abdullah zaîmü’l-vakt olan Alagöz Bey b. Abdulhay’ı ihzâr edip bir kimesne bana günde üçer akçeye [bir bargir] koyup yetmiş üç gün olup zikr olan bârgiri sâhibi vefât etmekle zabt ettin meblag-ı mezbûru senden taleb ederim dedikde, gıbbe’l-inkâr mezbûr Davud Bey’in da‘vâsına mutâbık beyyine taleb olundukda udûl-i müslimînden Ali b. Minnet ve Mehmed b. Sadık müddeî‘-i mezbûrun kelimâtına mutâbık şehâdet ettiklerinde meblag-ı mezbûr zaîm-i mesfûrdan hükm olunup gıbbe’t-taleb kayd-ı sicil olundu. Tahrîren fî 22 Rebî‘ilâhir li-sene 971.


Şuhûdü’l-hâl: Ahmed Çelebi b. Hasan ve Ali Bâli b. Hasan ve Memişah b. Yusuf ve gayruhum