.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 248
Hüküm no: 479
Orijinal metin no: [40a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mehmed b. Abdullah’ın emanet bırakılan katıra baktığı

Vech-i tahrîr-i sicil budur ki Mehmed b. Abdullah meclis-i şer‘a Üsküdar Zaîmi Alagöz Bey b. Abdullah muvâcehesinden takrîr-i da‘vâ kılıp dedi ki, Balıkesir’den bir kimesne gelip bir katır bende emânet koyup yevmî iki akçe arpa ve saman vermek ve bir akçe kirâ kavl edip elli beş gece nafaka verdim deyicek zaîm-i mezbûr inkâr ile cevâb vericek mezbûr Mehmed’den sıdk-ı makāline muvâfık beyyine taleb olundukda udûl-i müslimînden Şahkulu b. Mustafa ve Mehmed b. Abdullah nâm kimesneler dediler ki biz şâhidleriz şehâdet ederiz ki mezbûr Mehmed zikr olunan katırı elli beş gece tîmar edip ve yem verdi deyu şehâdet-i şer‘iyye edâ ettiklerinde şâhidân-ı mezbûrânın şehâdetleri hayyiz-i kabûlde vâkı‘ olup bi’t-taleb kayd-ı sicil olundu. Vaka‘a’t-tahrîr fî evâhiri Rebî‘ilâhir sene 971.


Şuhûdü’l-hâl: Ali b. Hacı Fakih, Nasuh b. Hamza, Hüseyin b. Abdullah ve gayruhum