|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 259 Hüküm no: 509 Orijinal metin no: [43a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ali b. Mehmed’in, Kalamiç’te İskender Paşa Vakfı’nın bostan yerine yaptığı harcamayı Yorgi b. İstamad’dan aldığı
Vech-i tahrîr-i hurûf budur ki Ali b. Mehmed meclis-i şer‘a Yorgi b. İstamad muvâcehesinden bi’t-tav‘ ikrâr ve i‘tirâf edip Kalamiç’de merhûm İskender Paşa Evkāfı’ndan bir kıt‘a bostan yeri ki hudûdu inde’l-ahâlî ma‘lûmedir zikr olan bostan yerinde harcım olan kuyusuna dolap etmiştim zikr olan dolap için ve sâir harcım için mezbûr Yorgi’den bin akçesin alıp verdim şimden sonra zikr olan bostan için dolabdan ve sâir harcdan da‘vâ edersem inde’l-hükkâm mesmû‘ olmaya dedikde, mukırr-ı mezbûru mukarrun lehü’l-mezbûr tasdîk ettikde sıhhat-ı ikrâra hükm olunup gıbbe’t-taleb kayd-ı sicil olundu. Tahrîren fî gurre-i Cemâziyelevvel li-sene 971.
Şuhûdü’l-hâl: Hayreddin b. Ahmed ve Ahmed Çelebi b. Hasan ve Nebi Halîfe b. Hasan ve Abdi b. Hasan ve Korucu Hüseyin b. Hasan ve gayruhum mine’l-hâzırîn
|