.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 269
Hüküm no: 539
Orijinal metin no: [45b-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ölen Uçarı b. Seferşah’ın vârislerinin tereke parasını Alagöz Bey’den aldıkları

Vech-i tahrîr-i hurûf budur ki Beypazarı kadılığından Kürşad nâm karyeden nefs-i Üsküdar’da vefât edip Uçarı b. Seferşah’ın muhallefâtını zabt eden Alagöz Bey b. Abdullah mahzarında kadı-yı mezbûrdan nakl-i şehâdetiyle mezbûr Uçarı’nın karındaşı aslen kendi cânibinden asâleten ve hân-ı Sultan ve Kadınşah ve Alevbula nâm kız karındaşları câniblerinden vekâleten bi-tav‘ihî ikrâr ve i‘tirâf edip mezbûr Alagöz Bey yedinden müteveffâ karındaşım Uçarı muhallefâtından altı yüz kırk yedi akçe berâtların ve hükümlerin aldım bî-kusûr kabz eyledim dedikde, mukırr-ı mezbûru mukarrun lehü’l-mezkûr tasdîk edip gıbbe’t-taleb kayd-ı sicil olundu. Tahrîren fî evâili Cumâdelûlâ li-sene 971.


Şuhûdü’l-hâl: Davud Bey b. Abdullah ve Hayran Abdi b. Hasan ve Ali b. Yusuf ve gayruhum mine’l-hâzırîn