.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 282
Hüküm no: 576
Orijinal metin no: [49a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Üsküdar niyabeti ve Yoros’un yava haracı mültezimi Fazlı b. İsa’nın mukataa bedelinin bir kısmını ödediği

Vech-i tahrîr-i hurûf budur ki Şehzâde-i civân-baht -tâle bekāhu- hazretlerinin nefs-i Üsküdar niyâbetinin ve kazâ-i Yoros’un yava haracına ve beytülmâline ber-vech-i iltizâm zabt eden Fazlı b. İsa meclis-i şer‘de Mustafa Çelebi b. Abdi âdemisi Hasan mahzarında bi-tav‘ihî ikrâr ve i‘tirâf edip mezbûr Mustafa Çelebi’ye Üsküdar niyâbetinin ve kazâ-i Yoros’un beytülmâlini ve mâl-ı gāyibini ve mâl-ı mefkûdunu bir yılda iki bin akçeye verip sicil olmuş idi ve meblag-ı mezbûrdan bin akçesini mezbûr Mustafa Çelebi yedinden alıp kabz ettim dedikde, mukırr-ı mezbûru mukarrun lehü’l-mesfûr cânibinden mezbûr Hasan tasdîk ettikde sıhhat-ı ikrâra hükm olunup gıbbe’t-taleb kayd-ı sicil olundu. Tahrîren fî 14 Cemâziyelevvel li-sene 971.


Şuhûdü’l-hâl: Abdi Çelebi b. Lütfi ve Alagöz Bey b. Abdullah ve Beşir Bey b. Nebi ve Sefer Halîfe b. İlyas ve gayruhum