|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 283 Hüküm no: 578 Orijinal metin no: [49a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İbrahim Ağa Vakfı’na ait su değirmeninin Yani b. Mihal’e kiraya verildiği
Vech-i tahrîr-i hurûf budur ki Merhûm İbrahim Ağa câbisi Hayran Abdi b. Hasan meclis-i şer‘de karye-i Kadı’dan Yani b. Mihal mahzarında Ilısuluk tîmarında olan vakıf su değirmenini sene ihdâ ve seb‘îne ve tis‘a-mi’e Cumâdelûlâ evâsıtından altı aya mezbûr Yani’ye beş yüz akçeye icâreye verip lâzım olan harcını mezbûr Yani [edâ] etmek üzere dedikde, mukırr-ı mezbûru mukarrun lehü’l-mesfûr vicâhen ve şifâhen tasdîk edip kabûl ettikde sıhhate ve akde hükm olunup gıbbe’t taleb kayd-ı sicil olundu. Tahrîren fî 15 Cemâziyelevvel li-sene 971.
Şuhûdü’l-hâl: Ahmed Çelebi b. Hasan ve Süheyl el-Mütevellî b. Abdullah ve Yeniçeri Davud b. Abdullah ve Nalband Ali b. Minnet ve gayruhum
|