.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 286
Hüküm no: 587
Orijinal metin no: [50a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Halil b. İlyas’ın, Mehmed b. Üveys’e hizmet bedelini ödediği

Vech-i tahrîr-i sicil budur ki Mehmed b. Üveys meclis-i şer‘a Halil b. İlyas ihzâr edip üzerine takrîr-i da‘vâ kılıp dedi ki, bir sene sana hizmet etmeye beş yüz akçeye kabûl ettim ba‘dehû dört yüz akçe aldım yüz akçe bâki kaldı dedikde, mezbûr Halil’den suâl olundukda cümle hesaplaşıp haklaştım dedikde, mezbûr Mehmed inkâr ile cevâb vericek mezbûr Halil’den sıdk-ı makāline muvâfık beyyine taleb olundukda udûl-i müslimînden Mehmed b. Halil ve Hüseyin b. Bahşayiş nâm kimesneler dediler ki bizim huzûrumuzda mezbûr Mehmed cümle aldım bir akçe hakkım kalmadı dedikde, ba‘de’t-ta‘dîl hayyiz-i kabûlde vâkı‘ olup kayd-ı sicil olundu. Vaka‘a’t-tahrîr fî evâsıtı Cemâziyelevvel sene 971.


Şuhûdü’l-hâl: Mustafa b. Mehmed, Nasuh b. Hamza ve gayruhum